Фотографијата која прикажува тетовирани гради на жена која преживеала рак на дојка е споделена десетици илјади пати на Фејсбук откако беше остранета од оваа друштвена мрежа...

На фотографијата може да се види торзото на жена на која и ги отстраниле двете дојки, а преку кои е насликана тетоважа во живи бои. Тату мајсторот Ли Ролер, која прв ја објавил фотографијата на својата страна "Custom Tattoo Design", појаснил дека таа набргу била отстранета бидејќи ги кршела правилата на Фејбсук за голотија. Потоа тој во знак на протест одлучил повторно да ја објави, барајќи од корисниците да ја споделуваат и да ја "лајкуват".

А токму тоа и се случило. Имено, таа досега е споделена речиси 130.000 пати, а корисниците своето незадоволство го изразиле во коментира, тврдејќи дека фотографијата не е ниту непристојна ниту навредлива туку напротив - инспиративна.

Фотографијата е превземена од книгата "Bodies of Subversion: A Secret History of Women and Tattoo".