Ако мислите дека стрелата на Купидон ќе ве погоди точно на 14 февруари, добро е да бидете подготвени со романтичен подарок за вашата партнерка...

Оваа година најмилиот и скап гест кон партнерката се прстените. Не е задолжително да ја побарате раката, за да и ставите нежен дијамант или сребрена алка. Ако одлучите да ја израдувате дамата до себе токму со прстен, најдобар избор ќе биде скапоцен камен со розова боја.

Според експертите, тоа е многу подобра алтернатива од класичниот бел камен. Заситената розова, светла или дури виолетова се хит во накитот оваа година. Нијансите на оваа нежна боја присуствуваат во секоја колекција накит.

Според водечката компанија во оваа индустрија "Cartier" идеална брачна алка треба да биде комбинација меѓу розово, жолто и бело злато. Розова симбол на љубовта, жолта на верноста, а белата боја симболизира пријателството.