Околу 3.500 припадници на Црквата за обединување склопиле брак на првото групно венчавање во Јужна Кореја од смртта на нивниот „месија“ и контроверзниот основач на црквата Сун Мјунг Муна.

Идентично облечени парови - од кои многумина се запознале само неколку дена порано и припадници се на различни националности, учествувале во церемонија одржана во седиштето на Црквата за обединување во Гапјеонг, источно од Сеул.

Групните венчавања, од кои некои се одржани на спортски стадиони со десетина илјади парови, веќе долго се карактеристични за оваа црква и противниците тоа го наведуваат како доказ дека се работи за секта.

Со таа пракса црквата почнала во почетокот на 60-тите години. Во почетокот на нив се венчавале само неколку десетина парови, но нивниот број подоцна станувал се поголем.

Така во 1997 година во Вашингтон брак склопиле 30.000 парови, а две години подоцна околу 21.000 парови го наполниле Олимпискиот стадион во Сеул.

Речиси сите парови ги споил лично Мун, кој верувал дека романтичната љубов води во промискуитет, нескладни парови и дисфункционално општество.

Многумина се венчале само неколку часа по запознавањето, а Муновата склоност кон мешани меѓународни бракови значела дека често не зборувале ни ист јазик.