Една петтина од Британците признаваат дека сексот е нивната единствена напорна физичка активност во текот на неделата, покажува истражувањето на Островот меѓу 1800 луѓе...

По сексот најпопуларните форми на вежбање се трчање, возењето на велосипед и пливање.
Истражувањето открило уште дека 3/5 од Британците воопшто не вежбаат, а само 39% ја следат препорачаната физичка активност од три или повеќе пати неделно. Жените се помалку склони да спортуваат од мажите, од кои само 1/3 од жените изјавиле дека прават вежби најмалку еднаш неделно во однос на 44% од мажите.

"Очајно е што толку малку луѓе сериозно го сфаќаат здравјето и физичката форма, така што само 2/5 спортуваат во текот на неделата. Изгледа дека иако мнозинството луѓе сакаат да се здрави и во подобра форма, само малкумина се подготвени да вложат напори за да го постигнат тоа", изјави Маст Дарвиш, генерален директор на сајтот за спорт и фитнес опрема "Sweatband.com."

Мнозинството Британци целосно ја избегнуваат физичка активност, а времето меѓу чаршафите со партнерот или партнерката е единствениот повод да зголемениот срцев ритам. Но, и покрај неподготвеноста на поданиците на Нејзино Височество да се разгоруваат и потат надвор од спалната, 87% изјавиле дека не го сакаат своето тело, а 74% признале дека би сакале да ја подобрат физичката форма.