На Тајланд вчера е поставен нов рекорд во вртењето хулахоп! Околу 5.000 луѓе истовремено ги завртеле шарените обрачи.

Од Гинисовата книга на рекорди соопштено е дека 4.483 личности седум минути непрекинато го вртеле популарниот реквизит со музика за танцување.

На стадионот на универзитетот Тамасат се собрале 5.000 луѓе, но 517 натпреварувачи излегле од игра затоа што пред време го испуштиле обрачот.

Организаторот на овој забавен настан било тајландското министерство за здравје. Претходниот рекорд е остварен на Тајван во 2011 година кога 2.496 натпреварувачи за две минути истовремено го вртеле хулахопот.

Најдолгото вртење на хулахоп од страна на поединец изнесува 74 часа и 54 минути, што го остварил Американецот Арон Хибс, додека рекордот по истовремено вртење на хулахопи на еден човек го постигнал Пол Дизи, исто така Американец, кој успеал да заврти 132 обрачи околу себе.