Членови на кинеската заедница во Коста Рика влегоа во Гинисовата книга на рекорди, откако ја направија најголемата чинија од пржен ориз, со што можат да бидат нахранети 7000 лица. Рекордот им беше посветен на Месечинската нова година...
Инспекторот на Гинис за Латинска Америка Бритон Ралф Хана издаде сертификат за огромната чинија ориз која тежи 837 кг. што е речиси два пати повеќе од претходниот рекорд во оваа категорија. Вооружени со црпалки со големина на лопата, 52 готвачи го бркаа за да не загори оризот во гигантската чинија, што беше подготвена во чест на отворањето на Чајнатаун во Сан Хозе. Производите, кои беа користени се: 735 кг. ориз, 200 кг. пилешко месо, 120 кг. шунка, 20 кг. кинески колбаси, стотици јајца и огромно количество нсечкан зеленчук.
Повеќето Кинези во Коста Рика (земјата со население 4,7 милиони луѓе) се зафатени во ресторантски бизнис.
Централноамериканската земја за прв пат влегува во Гинисовата книга на рекорди, изјави Хана.
