Американското седиште на коцкањето и забавата, Лас Вегас, минатата година го посетиле 39,7 милиони туристи, со што за половина милион е соборен рекордот поставен пред пет години.

Туристите така во „градот на гревот“ оставиле 9,4 милијарди долари за време на 2012 година.

USA Today пишува дека дури 30% од сите туристи во најголемиот град во Невада дошле од соседната Калифорнија, додека властите во Лас Вегас во подобрување на услугите и реновирање на туристичките објекти потрошиле две милијарди долари.

Цената на просечното ноќевање во хотелите скокнала за три долари, и сега изнесува 108 долари, а пополнетоста на хотелите е близу 90%.

Просечно секој турист потрошил 148 долари на коцкање минатата година во Вегас.