Математичари од Универзитетот во Вулверхемптон ја создадоа формулата на идеалната палачинка - 100 - [10L - 7F + C (k - C) + T (m - T)] / (S - E). Синџирот продавници Дебенхамс кој ја објави формулата, соопшти дека таа засекогаѓ ќе ги елиминира палачинките, кои се далеку од стандардите за квалитет...

"L е бројот на грутките масло, а C е нивната текстура. F е бројот на фрлањата, K е идеална текстура, а T е температурата на тавата. Идеална температура на тавата одговара на m, а S е времето во кое маслото треба да престои пред готвењето. Е е времето во кое зготвената палачинка треба да отстои пред да биде изедена. Колку поблиску до 100 е резултатот, толку подобра е палачинка", изјави портпаролката на Дебенхамс Линзи  Сингалтон.

Сосема друго е прашањето сепак како формулата да биде пренесена од хартијата во тавата. Според истражување на Дебенхамс 86% од британските домаќинства ќе уживаат во палачинките денес, но само 14% се уверени дека знаат како да ги зготват. "Ако ја додадете и вистинсата тава за пржење, студиите на формулата ќе обезбедат идеални палачинки во секој дом. Поедноставувањето на науката зад оваа формула, нашите клиенти можат да имаат совршени палачинки вечерва. Златните правила се да имате добра тава на 377 степени, нула грутки во смесата, да оставите маслото да отстои 30 минути пред да го зготвите и да гарантирате дека палачинките ќе бидат изедени веднаш. Тоа изгледа доста едноставно", изјави портпаролката.

Регионално истражување во Велика Британија покажа дека луѓето во Ливерпул и Бирмингем се најнеуверени во своите вештини да приготват палачинки, а само 4% веруваат дека можат да ги свртуваат успешно. 23% од жителите на југоисточна Англија сепак се целосно убедени дека ќе ја фатат успешно фрлената палачинка во тавата и ќе уживаат триумфално гозбата уште истата вечер. Истражувањето покажа уште дека најпопуларниот фил за палачинки е традиционалната комбинација од лимон и шеќер, наведена од 56% од учесниците во истражувањето.