Научниците откриле неврони во мозокот на глувците кои реагираат на нежен допир. Тие неврони можат да објаснат зошто животните и луѓето сакаат да се галат. Новото откритие исто така би можело да доведе до т.н таблети за масажа, кои би правеле да се чувствувате опуштено...

Повеќето луѓе и цицачи уживаат во  нежниот допир, но долго време не беше познато зошто. Дејвид Андерсон од Технолошкиот институт во Калифорнија и еден од авторите на студијата вели дека галењето меѓу животните има улога на јакнење на групата.

Научниците укажале на специфична група на клетки кои се наоѓаат под кожата и кои се поврзани со невроните околу 'рбетниот мозок. За да откријат какви се тие клетки, Андерсон и неговите колеги користеле генетски инжењеринг за таквите неврони кај глувците да светкаат додека се активни.

Се покажало дека се активираат на галење и масажа. При тоа научниците откриле начин хемиски да ги активираат истите неврони и забележале дека глувците уживаат во тоа.

Иако никој не знае дали луѓето имаат ист нервни клетки, "постојат докази од други лабаратории кои упатуваат на тоа". Откритието би требало да објасни зошто животните поминуваат толку време во милување, но и лижење на сопственото крзно.