Рестораните на американскиот ланец за брза храна „Мекдоналдс“ во Франција со воведување на багети и француски сирења во понудата, решиле повеќе да се прилагодат на вкусот на локалните жители и така да го зголемат профитот.

„Започнавме акција под наслов ‘Мекдоналдс’ на француски начин, во обид на пронаоѓање на компромис меѓу класичната понуда во овој тип на ресторан и француската традиционална храна“, објасни генералниот директор на францускиот „Мекдоналдс“, Нафал Трабелси.

Во француските ресотрани на американскиот ланец за брза храна, по „биг мек“ најпродаван производ е „кас-крут“, кој го заменил класичниот хамбургер - за подлуга има багет, а се служи со кемембер.

Во рамки на истата акција, во понудата од следната недела ќе има сендвичи „комте“ со француски кашкавал и козјо сирење.

Француската франшиза на „Мекдоналдс“ со 66.000 вработен, остварила профит од 4,2 милијарди евра во 2011 година.