За да минувате повеќе време забавувајќи се, а помалку чистејќи по дома, денес ви предлагаме неколку брзи трикови за домаќинство, а такви трикови никогаш не се доста...

1.Трагите од дезодоранс на својата маица лесно можете да ги отстраните со триење со фармерки или хулахопки на извалканото место.

2.Од непријатниот мирис од рацете (лук, риба и сл.) без проблем може да се ослободите со помош на сол. При миењето на рацете само втријте малку сол.

3.Од дамките на тепихот ќе се ослободите со помош на средството за чистење на прозорци. Веднаш по настанувањето на дамката напрскајте малку средство за прозорци и бргу истријте.

4.Дамките на обувките или чизмите ќе исчезнат ако ги избришате со крпа која ќе ја потопите во мешавина од оцет и топла вода. Потоа исчеткајте ги со боја и оставете да се исушат.