Австралиски научници веруваат дека откриле зошто е толку тешко да кажте "извини". Одбивањето да се извиниме значително ја зголемува нашата самодоверба. Колку и тажно да звучи, се чини недостатокот на грижа има психолошки ефект да не натера да се чувствуваме посилни отколку што всушност сме...

Д-р Тејлор Окимото од Универзитетот во Квинсленд, Австралија, направил детално истражување зошто луѓето често одбиваат да кажат извини, дури и тоа да е соодветниот одговор.

Тој побарал од 200 луѓе на возраст меѓу 17 и 77 години да се стават во ситуација во која ќе навредат некого, а потоа да се извинат, да навредат некого и потоа да одбијат да се извинат и во ситуација во која навредиле некого и ниту се извиниле, ниту одбиле да го сторат тоа. Учесниците, кои одбиле да се извинат, изјавиле дека се чувствуваат посилни и со поголема самодоверба од оние кои избрале да покажат помирување.

При вториот експеримент една третина од учесниците испратиле мејл за да се извинат навистина на некого, друга третина испратиле мејл во кој одбиваат да се извинат, а останатите треба да размислат за ситуација во која погрешиле, но не направиле ништо. Научниците повторно утврдиле дека луѓето кои одбиле да се извинат, имале многу повисока самодоверба од другите учесници.

"Резултатите од двете истражувања даваат убедливи докази дека постојат поволни психолошки последици за луѓето кои одбиваат да се извинат на жртвите на нивните навреди", истакна д-р Окимото.