Научниците тврдат дека до 2080 година билката "Coffea Arabica" ќе исчезне поради климатските промени. Каков ќе биде ефектот од тоа на глобално ниво се гледа од следниов факт...

По нафтата кафето е производот со кој најмногу се тргува во светот. Годишниот извоз е во вредност од 15 милијарди долари.

Во скоро време светот може да остане без еден од своите омилени пијалоци - кафето. Оваа миризлива и стимулирачка напивка е омилен "дрога" на околу две милијарди луѓе. Научниците од Кралските ботанички градини во Лондон дојдоа до заклучок дека до 2080 година најчесто консумираната сорта кафе "Coffea Arabica" може да исчезне како резултат на климатските промени. Тимот научници предводен од д-р Арон Дејвис подготвил компјутерска програма за можните ефекти од климатските промени во Источна Африка, каде што се одгледува "Coffea Arabica".

Во најдобар случај, ако емисиите јаглерод диоксид продолжат со ова темпо до 2080 година, 65% од областите каде што се одгледува оваа сорта кафе ќе исчезне, а во најлош случај може да се случи кај 99.7% од денешните насади на кафе.

Ако сето ова се земе предвид, човештвото оди по најлош сценарио, бидејќи глобалната температура ќе се зголеми за 4 степени до 2060 година, а до 2100 година меѓу 5 и 6 степени. Според научниците на високите температури најчувствителни се кафето и цвеќињата и тие лесно може да овенат. Освен тоа, поради високите температури паѓа и квалитетот, бидејќи семето созрева многу брзо, што не е добро.

Анализите покажуваат дека кафето е најтргуван производ по нафтата. Во светски рамки просек потрошувачката на кафе по глава на население е 4.8 кг, а во ЕУ - 5.8 кг. Заедно со тоа, станува јасно дека кафето е најпопуларниот пијалок. Просек во светот се пијат 2.25 милијарди кафиња, како најголем потрошувач е САД со 400 милиони кафиња на ден. Но, ако се земе во просек по глава на население најголемиот потрошувач на кафе се скандинавските земји. Просек еден Финец пие по 12 кг. кафе годишно.