Февруари не е добар месец за спиење, во просек се успијуваме осум минути подолго од обично, а во текот на ноќта сме будни дополнителни десет минути.

Во февруари поминуваме малку време на свеж воздух, веќе копнееме по сонцето, а греењето во куќата во комбинација со намаленото движење се виновници и за лошиот сон. За време на овој месец сме најуморни и најслабо спиеме, покажало истражувањето на Британскиот центар за проучување на сонот во кој учествувале 21.000 луѓе.

Со оглед на тоа што во февруари ни е потребно во просек осум минути подолго отколку обично да потонеме во сон и дека во текот на денот сме будни десет минути подолго отколку обично, февруари е и официјално прогласен за месец во кој најлошо се спие во текот на годината.

Дури 68% од луѓето поради тоа кон крајот на зимата страдаат од недостаток на енергија, кој е пропратен со чувство на умор и исцрпеност, а 28% од испитаниците изјавиле дека се чувствуваат и депресивно, со тоа што недостатокот на сон обично ги погодува жените.

Против умор и безволност не помага ни раното заминување во кревет, покажале резултатите од британската анкета. Ситацијата, сепак, се подобрува во март, со првите убави денови. Само да го преживееме февруари...