Мажите потешко ги толкуваат емоциите кои ги носи изразот на лицето, и поради тоа често настрадуваат. На мажите им е потешко да ги протолкуваат емоциите кои ги издава изразот на лицето и тоа е причина за чести несогласувања меѓу партнерите, бидејќи жената обично очекува тој сам да "открие" дека е лута...

Сега доаѓа и официјално, научно потврдено оправдување за посилниот пол. Научници во Eдинбург спровеле истражување на таа тема, а резултатите потврдиле дека мажите потешко проценуваат што кажува изразот на лицето.

Во текот на истражувањето, мажите и жените гледале фотографии од луѓе со различни експресии, а потоа требало да одговорат на одредени прашање во врска со фотографиите. За тоа време била следена работата на мозокот на испитаниците.

Кога требало да одговорат на прашање, на паример, колку е достапна личноста на фотографијата, на мажите им требало многу повеќе време за да формираат мислење за тоа и да дадат одговор. Анализата на снимките од скенерот покажале дека во тој момент доаѓа до зголемен прилив на крв во делот на мозокот кој е поврзан со емоциите, а научниците утврдиле дека мозокот кај мажите интензивно работи кога се во прашање некои одлуки во врска со социјалниот живот и проценката на чувствата кај другите.

"Мажите веројатно подолго ги преиспитуваат своите проценки во врска со толкувањето на емоциите и им треба повеќе време конечно да одлучат за што се работи", вели професор Стивен Лори кој бил шеф на истражувачкиот тим.