Сигурно многу пати ви се има случено при перење да ви се собере некое парче облека и мислите дека штетата е непоправлива. Без грижа, има лек и за тој проблем. Денес ќе ви претставиме метод со кој ќе ги спасите омилените парчиња облека...

Чекор 1: Во млака вода со бебешки шампон потопете го парчето облека. Влакната на ткаенината на тој начин ќе се опуштат.

Чекор 2: Извадете ја облеката од вода и исцедете ја без да премногу да ја истегнувате.

Чекор 3: На голема крпа положете го парчето облека исто како да треба да го пеглате.

Чекор 4: Замотајте ја крпата заедно со облеката внатре и оставете ја неколку минути да се впие водата. Облеката треба да биде влажна а не мокра.

Чекор 5: Ставете го парчето облека на сува крпа, а потоа нежно почнете да го растегнувате рамномерно на сите страни.

Чекор 6: Кога ќе ја добие својата првобитна големина престанете со растегнување и оставете ја облеката да се исуши на крпата.