72% од жените жалат за најмалку еден човек, со кого имале врска во 20-те години, а 77% имаат грижа поради секс за една ноќ, покажува онлајн истражување...
Меѓу 3600 кориснички била спроведена анкета за да се утврдат немирите низ кои поминале жените во 20-те години - од врските и сексот до финансии и односот кон пиењето.
30% од претставничките на понежниот пол се срамат од тоа што спиеле со непознат во пијана состојба. 54% признале дека имале секс без кондом, 61% или направиле абортус, или имаат пријателка, која го направила тоа од таа причина.
18 на секои 100 од учесничките изјавиле дека можеле да имаат повеќе секс во 20-те години, отколку што всушност имале. 28% од Британките чувствуваат грижа дека останале во "удобна" врска.
Во однос на кариерата 45% изјавиле дека ја нашле работата од својот сон во 20-те години, а 44% признаваат дека требало побргу да одлучат што сакаат да прават. Над 55% жалат што не се посамоуверени на работното место, а 28% сметаат дека требало да зборуваат отворено за зголемување на платата или за повисока позиција.
Што се однесува до финансиите, 61% изјавиле дека трошат повеќе отколку што заработуваат, а 38 од 100 се потпираат на пречекорувањето за да живеат.
16% од Британките признале дека наталожиле до 5000 фунти долг по кредитна картичка. 46% од жените признаваат дека немаат никакви заштеди, а 69% се чувствуваат под притисок да станат финансиски независни.
