Американка земала да тестира автомобил, отишла до банката и ја ограбила.

Гејл Кесл од Мантека, Калифорнија се состанала со маж кој дал оглас дека продава „крајслер“ од 1987 година и откако го прегледала возилото, заедно тргнале на тест-возење.

За време на патот, му кажала дека треба да свртат до блиската банка, за да подигне пари и да му плати 2.200 долари за автомобилот.

Паркирале, излегла и отишла до банката. Сопственикот чекал околу десет минути, а потоа задишаната Гејл повторно влегла во возилото, и возела до нејзиниот стан.

Додека ставале пијалок за да наздрават за успешната купопродажба, на вратата заѕвониле полицајците. Излегло дека Гејл, наместо да „тркне“ до банкоматот, влегла во банката и на работничката на шалтерот и дала порака: „Ова е грабеж, не сакам никого да повредам, дајте ми ги сите пари од касата“.

Таа е уапсена, а сопственикот на „крајслерот“, чие име не е објавено, на полицијата и кажал дека немал поим што направила Кесл и го пуштиле.