Дванаесетгодишник добил наредба од судијата да се вработи, за да може да им плати отштета на соседите.

Момче од Истхемптон, Масечусетс имал 11 години кога направил вандализам на имотот на соседите. Бидејќи сторителот е малолетен, американскиот печат неговото име го даде само како „Ејврам“, и не објави детали за престапот.

На Ејврам, кој сега има 12 години, судот му одредил за година дена да ја исплати штетата која им ја сторил на соседите, но бидејќи момчето не го сторило тоа, судијата Џејмс Колинс му наредил да најде работа.

„Ќе мораш да им платиш на соседите и ти предлагам да се вработиш за да заработиш за отштетата“, рекол тој. Кога бранителот му замерил дека децата според законот не смеат да се вработуваат, судијата извлекол пример.

„Децата од 12 години смеат да работат како актери или пејачи, смеат да работат како бебиситери, да извршуваат полициски работи и да им доставуваат весници на соседите, иако тоа е пракса која полека исчезнува“, бил неумолив судијата.

На Ејврам сега му преостанува да се вработи и да им отплати на соседите штета од 1.000 долари, инаку овој прекршок ќе влезе во неговото трајно досие.