Депресија, несоница, промени во расположението, надразливост, напад на плач, напнати гради, надуваност во долниот дел од стомакот се само некои од нус појавите на пред менструалниот циклус кај жените. Чудесна таблета или напивка за ублажување на ПМС не постои, но затоа постои храна која докажано помага...

Лосос
Не само што е вкусен и квалитетен извор на протеини, лососот содржи и омега 3 масни киселини, кои докажано ги ублажуваат менструалните грчеви и го стабилизираат хормонското пореметување.

Банана
Бананите изобилуваат со витамин Б6 за кој е докажано дека кај ПМС успешно го редуцира проблемот кај болните и напнати гради, промените во расположението и насобраната вода во телото.

Семки
Семките од сончоглед и тиква, кикириките и индиското оревче се богати со магнезиум кој помага при апсроција на калциумот во коските.

Ананас
Конзумирањето на оваа овошје или сок од ананас ќе го реши проблемот со надуваноста, а освен тоа тој е ефикасен и како природен антидепресив. Високата концентрација на манган во него делува на зголемување на нивото на серотин познат како хормонот на среќа.

Портокал
Богат е со тиамин, витамин Б1 кој го подобрува варењето и на тој начин ослободува од запек или дијареа кои  можат да се јават како еден од симптомите на ПМС.

Ѓумбир
Оваа билка која ја крева енергијата и го грее организмот, се препорачува како додаток во јадењето или во облик на чај. Благодарение на своите активни состојки, гингеролите, кои имаат аналгетско и седативно влијание, ѓумбирот помага кај менструалните болки.