Џвакањето на гума за џвакање, што досега се сметаше за недолична навика, всушност е добро за мозокот. Ново истражување покажа дека гумата за џвакање го подобрува мислењето и концентрациајта, а реакциите на луѓето со мастика во устата се 10 пати побрзи од оние кои не џвакаат...

Според научниците џвакањето мастика доведува до привремено подобрување на протокот на крв во мозокот. Друга теорија е дека тоа им помага за производство на поголеми количини инсулин, која ги охрабрува областите во мозокот кои се поврзани со меморијата и вниманието.

Две групи волонтери - едните џвакале гума за џвакање, а другите не, биле замолени да поминат низ серија на истражувања. Мастиката немала никаков мирис, за да се спречи расејувањето. Мозоците на учесниците во истражувањето биле скенирани за да се утврди кои области се активни.

При едно од 30-минутните истражувања, кое требало да ги воспостави вниманието и времето на реакција, волонтерите биле замолени да го притиснат копчето со левиот или десниот палец во правец на стрелките на екранот.

Мажите и жените кои џвакале мастика, имале потреба од 493 милисекунди за реакција на 545 милисекунди за учесниците без гуми за џвакање. Истражувањата утврдиле и поголема активност во областите на мозокот одговорни за движењето и вниманието. Истражувањето е спроведено од Националниот институт за радиологични науки во Јапонија и е објавена во научното списание "Brain and Cognition".