Марката "Fendi" ќе спонзорира реставрација на некои од историските фонтани во Рим, започнувајќи со фонтаната Треви. Се вели дека кулминација на проектот ќе биде модната ревија пред Треви во 2015, кога ќе биде 90-годишнината на брендот...

Се очекува Карл Лагерфелд, Силвија Фенди, шефот на брендот Пјетро Бекари и градоначалникот на Рим Џани Алемано да откријат детали за проектот на специјална прес-конференција. Подоцна оваа година ќе излезе и албум со фотографии на фонтани, снимени од Лагерфелд.

"Горди сме од тоа што сме обврзани со овој град и тоа е одличен повод за да направиме нешто за него", изјави Бекари. "Рим е извор на инспирација за толку многу луѓе."

Реставрацијата на фонтаната треба да започне на пролет. Имињата на другите четири фонтани треба да бидат објавени.

Еднa од најголемите сцени во историјата на филмот е снимена во фонтаната Треви. Станува збор секако за сцената од филмот "La Dolce Vita" во која хероината на Анита Екберг се плеска во водата, додека Марчело Мастрони ја гони.

Според верувањето, секој кој ќе застане со грб кон фонтаната Треви и фрли паричка, и посака да се врати повторно во Рим, се враќа таму некој ден.