Во февруари спиеме најлошо и заспиваме потешко, открија истражувачи од Велика Британија...

Ни претстојат четири непроспиени недели, предупредуваат истражувачите. Во февруари заспиваме барем со осум минути подоцна и се будиме во средината на ноќта. По минимум 10-минутно вртење во кревет може повторно да се нурнете во царството на Морфеј. Како резултат на нарушениот сон повеќето луѓе се соочуваат со целодневен замор, недостаток на енергија, а причината за тоа се мрачните денови и долгите ноќи.

Во истражувањето учествувале 21 000 лица кои биле замолени да го оценат од еден до десет квалитетот на сонот. Просечното време потребно да заспијат е 56 минути во февруари, во споредба со 48 во јануари или март. Речиси една третина од учесниците чувствувале исцрпеност и неподготвеност за работа во текот на зимата.

Од недостаток на енергија се жалат 68% од анкетираните во февруари, додека во март процентот се намалува до 39%. Не грижете се, бидејќи неквалитетниот сон е привремена појава и само по неколку недели повторно ќе се чувствувате свежи и одморени.