Никогаш немаш кондом кога ти треба? Ако користиш iPhone и моментално си во Дубаи - па ти си среќен човек! Порачај кондоми преку Durex апликацијата!

Ја забораваш „заштитата“ во торбата, другите панталони или се уште ти е срам да ги купиш? Нема проблем, затоа што Durex потрчко ќе ја реши работата. Преправен во полицаец, доставувач на пица или турист, без оглед на тоа дали е ден или ноќ, ќе те најде на најдобар и најдискретен начин да ти го достави баш она што ти недостасува.

Потребно е само да ја преземеш SOS Condoms апликацијата за iPhone, да ја лоцираш својата позиција со помош на GPS и да ја „задржиш“ страста до испораката. Кондомите се плаќаат на лице место, онолку колку што кутијата кондоми инаку чини, а видот и големината лесно можеш да ги избереш во апликацијата, во која се внесуваат адресата и останати податоци.

Испораката во Дубаи е на самиот почеток, затоа што Durex со своите мобилни тимови планира да покрие поголем дел од светот. На сајтот се наоѓа листа на градови за кои со гласање ќе се утврди редоследот на воведување на испорака на кондоми на домашна адреса. За сега на таа листа се Париз, Москва, Лион, Женева, Бејрут, Сиднеј...