Во светот за хируршки интервенции, како што се липосукција или зголемување на градите, како и за неинвазивни третмани (ласер, инјекции против брчки) во 2012 се потрошени 4,4 милијарди евра, а за оваа година се предвидува пораст на 4,9 милијарди евра.

Глобалниот пазар за естетска хирургија во 2012 година забележал раст за 10%, а со слично темпо ќе продолжи да расте и во оваа година, прогнозира IMCAS - форумот на естетски хирурзи и дерматолози со седиште во Париз.

Во светот за хируршки интервенции, како што се липосукција или зголемување на градите, како и за неинвазивни третмани (ласер, инјекции против брчки) во 2012 се потрошени 4,4 милијарди евра, а за оваа година се предвидува пораст на 4,9 милијарди евра.

Најголем раст на естетски интервенции од 14% за 2013 се предвидува во Азија, во која многу се популарни операциите на очните капаци и носот, за да се постигне „поевропски“ изглед.

Вредноста на пазарот на естетската хирургија во Европа поради економската криза во 2013 ќе се зголеми за „само“ 6,6%. На стариот континент најмногу интересирања има за интервенции за подмладување на личности постари од 50 години.

Скандалот со лошите француски градни импланти, влијаеше интервенциите за зголемување на градите минатата година во светот да регистрираат раст од само 1,9%, а во Европа има паѓање за 9,2%.

Се очекува дека сепак овој сектор на естетската хирургија оваа и наредните години да се опорави и дека на него меѓу 2013 и 2017 година ќе се оствари годишен раст за 5,2%.