Британецот Шервин Шараби кој има само три години умее да брои до 200 и да ја покаже било која држава на картата и нејзиното знаме. Ги знае сите планети во сончевиот систем и целиот состав на човечкото тело. Неговиот IQ изнесува 130!

Британецот Шервин Шараби (3) стана еден од најмладите членови на организацијата Менса, која ги собира најпаметните луѓе на светот.

Момчето го поминало тестот на интелигенција освојувајќи 136 поени. Средниот просек за возрасен човек е 100, а за посебно талентираните е 130 поени.

Шервин веќе знае да брои до 200, може да ја покаже било која држава на картата заедно со нејзиното знаме, да ги наброи сите делови од телото, планетите во сончевиот систем...

Неговата мајка тврди дека него воопшто не го интересираат телевизиските програми за деца и дека најмногу сака да гледа вести. Вели дека неговото интересирање за учење го забележале кога имал само 18 месеци.

„Никогаш не сме го форсирале да учи, туку секогаш нешто сам прашуваше. Му објаснувам најдобро што можам, но се почесто морам да ги проверувам и да ги барам точните одговори“, вели неговата мајка и додава дека таа и сопругот имаат солидно образование, но не можат да одговорат баш на сите прашања кои ги поставува нивниот тригодишен син.

Момчето, како што кажа неговата мајка, почнало да зборува на 10 месеци, а на 20 месеци веќе бил во состојба да формира сложени реченици.