Американската соул и R'n'B ѕвезда Алиша Кис се приклучи во тимот на канадскиот технолошки гигант "BlackBerry" (познат порано како Research in Motion) во својство на креативен директор на компанијата. Ова е уште еден чекор на еден од пионерите во сегментот на паметните телефони во обидот да ја врати изгубената позиција на високо технолошкиот пазар...

Новата должност на Кис ја вбројува во долгиот список со познати личности од светот на шоу бизнисот кои работат како креативни директори за различни компании, во обид да го освежи и промовираат нивниот имиџ за извесна сума. Меѓу нив се имиња како will.i.am од Black Eyed Peas, назначен за директор за креативни иновации за "Intel (INTC)", екстравагантната Lady Gaga која пристапи кон тимот на "Polaroid" во најдобрите времиња на компанијата во 2010 година, исто така, на позицијата креативен директор.

Во семејството на самата Алиша Кис сличен вид на соработка не е преседан - во 2011 година нејзиниот сопруг - продуцентот Swizz Beatz - беше назначен за креативен директор во автомобилската компанија "Lotus Cars".

Најверојатно освен во развој на нови модели паметни телефони пејачката ќе биде ангажирана во претстојните рекламни кампањи на BlackBerry.
Како лице на компанијата може да се очекува пејачката да се вклучи и во објавување на актуелните производи на фирмата како неодамна објавената нова верзија 10 на оперативниот систем BlackBerry OS и првите два уреди од следната генерација - BlackBerry Z10 и BlackBerry Q10.