Рај за сите мали и големи девојки кои ја обожаваат Барби од сега се наоѓа во Тајван затоа што токму таму е отворен првиот Барби ресторан...

Во соработка со Mattel, Barbie Cafe е исполнет со розови бои и популарните кукли, а самото уредување кое вклучува и розово-бел шанк и столици со здолништа изнесувало 1,7 милиони долари.

Откако љубезните келнерки, облечени во розово од глава до пета, ќе ве сместат во неодоливото сепаре, од Барби менито можете да изберете различни благи и солени посластици како хамбургери, јадења со пилешко, салата од лосос, тирамису, торти и разни колачи.

Иако многумина мислат дека храната од овој ресторан е неквалитетна, неговите основачи велат дека менито го осмислиле угледни нутриционисти во соработка со шефот на кујната.

Во ресторанот се наоѓа огромна картонска кутија, како онаа во која се наоѓа куклата, во која посетителите може да застанат во неа и да се фотографираат.