Да се најде совршен градник, неопходен за целокупниот стилски впечаток, не е лесна работа. Затоа се препорачува кога ќе го изберете оној кој надобро ви прилега и во кој се чувствувате удобно, веднаш да си купите 2 број затоа што сигурно ќе го носите секојдневно. Но, освен удобиниот градник кој совршено потпира, во гардеробата на секоја жена треба да се најдат и следните основни модели...

Нежен градник
Тоа се градници кои се носат најчесто затоа што се класични, едноставни и не се оцртуваат под маицата. Најпрактични се оние во црна и боја на кожа и секако мора да имате барем по 2 од нив.

Градник без прерамки
Летото е незамисливо без овој модел на градник. Купете таков кој во внатрешната страна има силиконски траки кои ќе го држат градникот на место. Што се однесува до бојата, изберете ја онаа која ви одговара на маиците и фустаните без ракави кои најчесто ги носите.

Градници за посебни прилики
Доаѓаат во разни бои, а украсени се со чипка, тул, каменчиња, сатен...изборот е огоромен. Во тренд се оние во зелена и сина боја, но вие изберете си градник во боја која вам најмногу ви се допаѓа.