Најевтиниот ресторан на светот се наоѓа во Хонг Конг, пресуди францускиот водич за гастрономи „Мишлен“.

„Мишлен“ водичот за 2011 година на ресторанот Ho Hung Kee во Хонг Конг му додели престижна ѕвезда, затоа што во истиот можете да изедете порција вонтон со говедско за само пет долари.

Вонтон се традиционално јадење слично на кнедлите кои се наполнети со говедско месо.

Освен оваа јадење, во наградениот ресторан по поволни цени се служи и брза храна, разни едноставни јадења, но и класични сендвичи.

Дневно овој ресторан го посетуваат околу 1.000 гости, а работното време почнува во седум часот наутро. Ho Hung Kee е семеен ресторан кој постои од средината на минатиот век, а некои рецепти не се менувани од отварањето.

„Нашите вонтони се исти веќе со децении, затоа што тоа е традиционално јадење кое треба да се прави по оригинален рецепт“, рече снаата на основачот на ресоранот, Пети Ху.