Музичар или сликар е најсексапилната професија за еден маж според жените, покажува британско истражување...

Фудбалерите се ставени на последно место, а само 1% од жените сметаат дека атлетската професија е секси. На второ место на листата по сексапил се ставени мажите кои работат во секторот за финансиски услуги кои се дефинирани како амбициозни, уверени и интелигентни.

Професионалните фудбалери се на последно место на листата, бидејќи жените ги сметаат за луѓе со премногу самодоверба, безчувствителни, опседнати со самите себе и со лоша репутација. Во листата на жешките професии спаѓаат уште наставниците, лекарите и писателите или новинарите.

Наставниците се дефинирани како инспиративни, внимателни и интересни, а лекарите се сметаат за професионалци, мотивирани и заштитници. Жените сметаат исто така дека писателите или новинарите се атрактивни, бидејќи се креативни личности, уметнички и добро информирани.

"Мажите сметаат дека довербата е секси, но не сфаќаат дека ултра увереноста во себе може да е исклучително навредлива. Жените кои бараат вонбрачни задоволства, често избираат маж, кој ќе им биде толку привлечен внатрешно, колку и надворешно. Тие бараат некој со кого може да имаат како емоционална така и физичка врска. Изгледа дека иако фудбалерите се привлечни на теренот, надвор од него, според повеќето жени тие може да имаат малку или никакви заеднички работи со нив. Значи покрај славата и богатството, повеќето жени ја наоѓаат нивната ароганција и репутација како вистински одбивни фактори", вели портпаролката на сајтот за вонбрачна врска "IllicitEncounters.com" Роуз Фримен-Џонс.