На речиси 5 километри од песочниот брег на германскиот балтички остров Ruegen се протега најголемиот хотел на светот. Сите 10.000 соби имаат поглед на море, но откако е изграден пред 70 години во него не одседнал ниту еден турист...

Хотелот "Prora" на брегот на Балтичкото море, помеѓу 1936 и 1939 година го изградиле нацистите како дел од програмата чија цел била ширење на нацистичка пропаганда преку разни активности за германските работници.

На изградбата на хотелот работеле дур 9 000 луѓе, а бил и замислен како "се во едно": хотел со кино, базени, спортски сали, пристаниште за бродови.

Хитлеровите планови за "Prora" биле со епски размери. Првобитниот план бил да се направи одмаралиште со 20.000 соби со заедничко купатило на секој кат.

Но, војната ја прекинала изградбата, а приоритетите на Хитлер се промениле. "Prora" подоцна станала воен комплекс за Источна Германија, а по обединувањето е користен и во цел на Воено-технолошкиот Универзитет.

Денес "Prora" е напуштен. Само неколку блокови од зградата се користат како хостел, но објектот не е заборавен. Постои план од "Prora" да се направи модерно одморалиште со 300 кревети, тениски терени, базен и шопинг центар.