Слушнете го CD-то на кое се наоѓа само „звук“ на тишина од една црква во Британија.

Посетителите на црквата Свети Петар во Сифорд секојдневно уживаат во мирната атмосфера на градбата од 12 век, и долучиле таа благотворна тишина да ја поделат со сите на кои не им е до гласни звуци, музика или градска бука.

Во црквата е поставена врвна опрема за снимање на звук, и резултат е CD-то „Звукот на тишината“ (Sound of Silence), 30 минутна блажена тишина.

Единствени звуци кои на моменти се слушаат на снимката се тивкото пукање на дрвените клупи, оддалечен звук на сообраќај и неколку чекори.

Сите примероци на CD-то се распродадени за неколку дена, а задоволниот автор на CD-то вели дека нарачки пристигнуваат од Германија, Австрија, Гана...

„Ние знаеме дека атмосферата во нашата црква е единствена и преубава, и мило ни е тоа да го споделиме со сите“, рече Роџер Бинг (74), кој дошол на идејата да се сними тишината.

„Луѓето од цел свет ни се јавуваат и воодушевени се со дискот, и се надеваат дека ќе снимиме и некоја подолга верзија“, кажал тој.