Идеалот за убавина која на девојките им го постави Барби веќе долго време крева прашина, затоа што нејзините нереални пропорции на претесен струк и долги нозе кои не можат да и конкурираат ниту на Жизел, наметнуваат стандард кој е невозможен да се оствари. Но, дека и светот на пластиката не е совршен, докажува фотографијата која кружејќи по интернет предизвика потсмев затоа што ја прикажува не така совршената Барби без шминка...

Како изгледа кога нејзиното влијание ќе прерасне во опсесија, покажуваат речиси застрашувачките примери на живите Барби кукли со пренагласени очи, испрчен нос и порцелански тен.

Меѓутоа, спротивно на таквата вознемирувачка опсесија е фографијата која ја прикажува Барби без шминка.

Со подочници и паднати очи, жолти заби и без сочната боја на усни стана кукла која би можела да послужи како реквизит во здравственото воспитание кој ќе покажува што му прави на нашето лице недостатокот од свеж воздух и лошиот начин на живот.