Признајте, колку лакови за нокти имате? Или, можеби е пофер вака, колку лакови за нокти од оние кои ги имате, навистина користите? За да ви ја олесниме работата, еве пет нијанси кои навистина ви се неопходни...

Црвен класичен лак. Секоја жена има "своја" црвена нијанса. Тој лак ви е потребен за оние денови кога ништо не оди како што треба, бидејќи тоа е најефикасниот начин за инстант расположение.

Лак со нападна боја. Циклама, дреч зелена или електрично сина. Потребна ви е и некоја забавна, откачена нијанса за малку да ги разведрите зимските денови и да преживеете до пролет.

Темен лак. Темно виолетов, тегет, темно кафеав, црн. Многу, многу темните лакови се модерна и софистицирана завршница на комплетното издание за прилики кога ви е важно да оставите добар впечаток.

Металик лак. Сребрен, златен, бронзен. Пронајдете ја својата "метална" нијанса и не се откажувајте. Супер избор кога сакате да го привлечете вниманието на себе, а не сакате да претерате.

Неутрален лак. И на крај, потребен ви е еден лак во некоја неутрална нијанса за формални прилики, беж, светло розева, млечно бела. Ќе изгледате уредно и негувано, а нема да привлекувате многу внимание.