Во едно француско село се наоѓа куќа која е опседната од духови што очигледно на власникот му дошло преку глава па ја продава за само 1 евро...

На францускиот еВау недоамна се појавил оглас во кој се продава куќа во селото Arbresle и тоа за само едно евро. Ако судиме по фотографијата, куќата и не е баш нешто, но кров над глава од 110 квадрати и уште парче земја од 350 квадрати за 1 евро? Па каде го има тоа?

Според описот на страницата во таа куќа во 1950 се случило страшно убиство и сега куќата е опседната од немирни духови. Овој паранормален феномен вклучува чукање по прозорите, необични звукови и гласови како и предмети кои сакаат да се "шетаат" по куќа.

Полицијата никогаш не потврдила дека во таа куќа се случило некакво убиство бидејќи никогаш не се пронајдени тела, но огласувачот вели дека телата на убиените во куќата биле пронајдени закопани во полето.

Француската јавност води расправа за автентичноста на овој оглас, а огласувачот бара да му се јават само оние кои веруваат вистински во неговата приказна и кои ја сакаат куќата за едно евро.