Прекрасното растение кои красни многу домаќинства и балкони има многу долга историја. Но, нејзината ефикасност не е поврзана само за опојниот мирис и виолетовите цветови кои ги кориситме на разни начини, туку делува и на нашето тело, ум и убавина. Ви носиме 5 исцелителни својства на лавандата...

Против првут
Маслото од лаванда делува смирувачки на темето и  може да го реши проблемот со скалпот и првутот. Измешајте 15 капки од етерично масло од лаванда со 2 лажици маслиново или бадемово масло и загрејте го колку да се стопли. Втријте ја мешавината во скалпот, ставете капа или најлонска вреќа и оставете да отстои околу саат време. Косата измијте ја со шампон, а резултатите ќе ги забележите по неколку третмани.

2.Против надуваност
Надуваноста и лошото варење можат да бидат предизвикани од лоши бактерии. Лавандата содржи вреден антиоксиданс, состојката полифенол која ги убива бактериите во дигестивниот тракт и ја спречува и намалува надуваноста. Сушената лаванда (како зачин) посипете ја во јогурт или пробиотик.

3.Против нервоза
Ако сте почувствувале дека мирисот на лаванда ве гуши и предизивкува омалаксаност и лесна вртоглавица, не грижете се бидејќи тоа е сосема нормално. Имено, истражувањата покажале дека мирисот од лаванда ги намалува отчукувањата на срцето и го намалува крвниот притисок, така што го смирува телото и умот.

4.Против убод и иритации
Ако и вие сте едни од тие кои не можат да поминат без убод од комарец или некој друг инсект, време е за свој сојузник да ја земете лавандата. Делува против воспаление и го намалува чешањето, отокот и црвенилото. Една или две капки на местото на убодот, оставете ги околку 15 мин. за да се впијат и повторете ја постапката на секои 6-8 часа.

5.Против стрии
Лавандата делува смирувачки на кожата и ја прави уште помека и поеластична. Направете мешавина од етерично масло од лаванда и камилица и јојоба и камилица. Мешавината нанесувајте ја секој ден на влажна кожа.