Отруено куче старо само девет месеци еден досетлив австралиски ветеринар го излечил со давање на мали дози вотка.

Клои, женка американски стафорд е многу љубопитно куче, па од чиста љубопитност лижнало и антифриз и така во својот организам внела токсини кои се многу опасни за работата на бубрезите, а со самото тоа и за животот.

Сопственичката на кучето го затекнала болно и многу дезориентирано и побрзала во ветеринарската станица каде докторот констатирал труење и заклучил дека единствено решение е перење на стомакот на животното со алкохол. Меѓутоа, медицински алкохол во ординацијата немало, но тука имало шише вотка, подарок за празниците.

Ветеринарот без многу размислување кучето го приклучил на инфузија во која ставил од опојниот алкохолен пијалок, од кој на Клои веднаш и било подобро. За два дена „испила“ третина од шишето и целосно оздравела.

Во знак на благодарност сопствениците на ветеринарот му купиле ново шише вотка, а Клои повеќе не сака ни да му се приближи на антифризот.