Кога ќе прегрнеме некој кој ни е мил, телото ослободува окситоцин, хормон на љубовта, крвниот притисок доаѓа во нормала, а стресот попушта.

Прегратката е најдобар начин да ја засилите близината со некој кого го сакате, а освен на емотивно, благотворно влијае и на физичката состојба на нашиот организам.

Кога ќе прегрнеме некој кој ни е мил, нашето тело е преплавено со окситоцин. Крвниот притисок се спушта, стесот и анксиозноста исчезнуваат, а дури и нашето памтење станува подобро. Покрај тоа, личностите кои имаат обичај својата наклонетост кон ближните да ја искажуваат со прегратка имаат повеќе разбирање и сочувствителност кон другите.

Но, ова важи само ако нас не прегрнува некој кого го сакаме и на кого му веруваме. Ако не прегрне некој кого не го познаваме доволно добро, тоа ќе има потполно поинаков ефект, заклучиле научницте од универзитетот во Виена.

Во такви ситуации, кога не можеме да ја избегнеме прегратката, но не ја посакуваме, нивото на стрес расте затоа што ни е загрозен „личниот простор“.