Австралискиот суд вчера ослободи една коза од обвинување за вандализам, поради тоа што изела цвеќе од една алеја во центарот на Сиднеј.

Козата по име Гери чекала пред судницата додека нејзиниот сопственик Џејмс Дезарно се жалел на казната од 440 австралиски долари, која полицијата му ја издала во август минатата година, откако ја фатила неговата миленичка како го јаде цвеќето пред Музејот за современа уметност.

Како што пренесува австралиската агенција AAP, судот воспоставил дека Дезарно, познат и под уметничкото име Џимбо Базуби, не ја повел својата коза со намера „вандалски да се однесува кон вегетацијата“.

„Можеби повеќе би се израдувала на еден сладолед“, шеговито заклучи судиката пред која е изнесен овој необичен случај.