Во голем град како што е Лондон навистина не е лесно да ја пронајдете љубовта, но антропологот Џен Смит одлучила да му излезе во престрет на тој проблем...

За да им помогне на осамените срца да ја пронајдат својата подобра половина, Џен смислила "мала љубовна турнеја" низ Лондон. За одреден паричен надомест, таа ги води своите приврзаници по најпознатите Лондонски галерии, книжари, паркови но и супермаркети и ги учи како да ги забележат, но и да ги привлечат потенцијалните партнери.

Турнеата трае три часа, а за успешни резултати Џен препорачува три тактики на "напад". Зависно од вештините со кои учесниците веќе располагаат можат да изберат и различни нивоа на курсот, а ако ништо друго, постои голема шанса дека мажите и жените на тој курс ќе запознаат други самци кои бараат друштво.