Париз е познат како "град на светлината", но за многумина тој е и "град на љубовта". Над реката Сена се наоѓа мостот "Ponts des Arts" или Мостот на уметноста кој се смета за најромантичното место во Париз затоа што паровите оставаат катанци на оградата во знак на вечна љубов...

"Ponts des Arts" стана еден од аткрациите во главниот град на Франција кои не можат да се избегнат и за многумина претставува најромантичното место на светот.

Со години оградата на мостот е преплавена со катанци кои ги оставаат заљубените од целиот свет, а на нив ги испишуваат своите имиња или пораки  кои воглавно само за нив имаат посебно значење.

Мостот "Ponts des Arts" е изграден 1804 година и има девет лакови. Ги спојува Францускиот институт и Лувр. Обичај е паровите, откако ќе го заклучат катанецот клучевите да ги фрлат во реката Сена.

Освен што најчесто го посетуваат заљубените, на мостот доста време поминуваат и уметниците поради прекрасниот поглед на градот. Ако случајно планирате да го посетите Париз, немојте да пропуштите прилика да го посетите најромантичното место во градот.