Во Република Црна Гора веќе има клиника во која лекуваат од зависност од "Фејсбук", "Твитер" и слични социјални мрежи...
Профили на "Фејсбук" имаат повеќе од 50% од жителите на Црна Гора. Мнозинството од нив се млади луѓе кои се буквално зависници од социјалните мрежи. Досега од зависност се излечени двајца тинејџери.
Со нестандарното лекување работи психотерапевтот Данило Јокич. "Овие млади луѓе имаа проблем и се радувам дека им помогнав. Висењето по цел ден на "Фејсбук" е обратно на сите норми за здрав живот", рекол Јокич.
"Повеќето од моите пациенти поминуваат по 15 часа на "Фејсбук" за време на викендите, а во останатите денови - од 5 до 7 часа. Тоа се затворени личности, кои во повеќето од случаите немаат пријатели, а тоа го компензираат со наоѓање на виртуелни пријатели".
