Луѓето од секакви професии - од градежници до секретарки, лекари или правници, чувствуваат видно подобрување на расположението и прилив на енергија, ако целосно одморале во двата неработни дена...

Позитивниот ефект на викендот врз самодовербата во голема мера, сепак е поврзан со слободниот избор на занимање и можноста да се поминат саботата и неделата со семејството и пријателите, сметаат психолозите од Универзитетот на Рочестер, во Њујорк, Универзитетот во Вирџинија и Универзитетот "Мекгил", Канада.

Дури и оние кои сакаат својата работа или се задоволни од платите и кариерата, имаат потреба од комплетен викенд одмор: да ги поминат онака како сакаат и да се отргнат од напнатоста и стресот на работната недела, тврди тимот од научници.

Тие ги набљудувале промените во расположението и самодовербата на луѓе од 18 до 62-годишна возраст, кои работат не помалку од 30 часа неделно. Покрај чистите психички показатели, биле известување и физиолошки фактори како симптоми на стресот: главоболки, дигестивни проблеми, лесен замор.

Се чини дека и мажите и жените на крајот на работната недела се чувствуваат подеднакво - како психички, така и физички, независно од типот на работа, бројот на работни часови, платите, образованието, брачниот статус и возраста.

"Донекаде неочекувано за време на викендите, а не во работните денови, луѓето имаат подобро расположение и повеќе самодоверба", велат авторите на студијата и го објаснуваат позитивниот ефект на добро поминатиот викенд со теоријата за основните потреби за благосостојба: лична слобода, родство и прифаќањето на сопствената компетентност, односно работи што ни е полесно да си ги докажеме токму во саботата и неделата, кога одмораме.