...голема грижа. Сите родители го слушнале ова барем неколку пати, од баби, добронамерни комшии, роднини или пријатели, а сега и истражувањето ја потврди оваа "народна мудрост"...

Многу е потешко да се излезе на крај со тинејџерите и адолесцентите отколку да се "изборите" со бебе кое не сака да спие. Кога ќе дојде бебето, младите родители не знаат што ги снашло, и секојдневно се справуваат со нови предизвици, од пелени, преку грчеви, до првите забчиња, но...тогаш сеуште не се свесни дека "најлошто" допрва доаѓа.

Резултатите од неодамнешно истражување покажале дека најтешко им е на родители на 13-годишниците.

Кога децата малку ќе пораснат, и ќе влезат во пубертет, како преку ноќ да се случува промена, и родителите често се наоѓаат во ситуација речиси да не можат да го препознаат своето дете.

Речиси четвртина од испитаниците кои учествувале во анкетата (24%) изјавиле дека им било најтешко да се справат со децата кога наполниле 13 години. Повеќе од половина родители (55%) изјавие дека најчести расправи со своите деца во тинејџерска возраст се воделе поради "мрзеливоста", без оглед дали е во прашање детското одбивање да помогнат во домашните работи, да одат до продавница или да ја средат својата соба.

Сепак, психолозите велат дека децата не треба премногу да се притискаат. Родителите би требало цело време да имаат во предвид дека нивното дете поминува низ драматични промени, па во моменти кога "подмладокот" се инаети околу фризурата, фрлање на ѓубрето или средување на собата би било најдобро да изборјат до десет, да се смират и...да тргнат во нов круг на "преговори".

Ако е за некаква утеха, и пубертетот на крај ќе помине.