Без оглед на убавото време, денес не сте баш расположени? Не грижете се, не сте единствени - понеделник 21 јануари, велат психолозите, е најдепресивниот ден оваа година...

За некои секој понеделник е кошмар - прв работен ден во неделата кога доаѓаат новите обврски и задолженија, рано будење по опуштениот викенд...Меѓутоа, овој поднеделник е посебно лош по општата состојба на нашиот дух, велат истражувачите.

Денес е т.н. "Blue Monday", ден кога луѓето ширум планетата се чувствуваат воглавно лошо и тоа со причина.

Теоријата за третиот понеделник во јануари како најдепресивен ден во годината, ја установи британскиот психолог Клиф Арнал во 2005 година.

Тој земал во предвид неколку фактори кои се доминантни во оваа доба од годината: убавината на божиќните и новогодишните празници е зад нас, а сметките по тој повод и подароците постајно престигнуваат, имаме потреба за движење но сме ограничени поради лошото време, во почетокот на годината секогаш се отвараат нови работи, обврски и задолженија, а "зимскиот сон" сеуште не забавува.

Сите тие фактори кулминираат во третиот понеделник во годината, тврди Клиф.