Мажите можат да ги заборават дијамантите, бидејќи ново британско истражување покажа дека спонтаната прегратка е најдобар начин да ја натераат жената да се насмевне...

Анкета меѓу 2000 британки покажала дека прегратката од партнерот им е првото нешто што би ги натерало да се чувствуваат добро. Претставничките на понежниот пол се среќни и кога носат удобна облека и тоа не само во студените денови. Сепак, тие се чувствуваат пријатно и од носењето на најсексапилната долна облека.

Комплимент дека ослабеле моментално ги крева дамите на седмото небо од среќа. Понекогаш жените се чувствуваат најдобро кога прават нешто за другите. Мнозинството анкетирани изјавиле дека поголемо задоволство им обезбедува да даваат отколку да добиваат подароци. Ова чувство е особено силно изразено кај дамите со деца. Мајките кои учествувале во анкетата посочиле дека пофалба за нивните деца дека се паметни и воспитан ги тера да се чувствуваат фантастично.

Пофалбата за синовите или ќерките во училиште или во спортот многу жени ги тера да се чувствуваат посреќни, отколку при пофалба за нивната работа. Мајките сакаат да добиваат прегратки од децата во крајот на стресните денови.

"Јануари дава прекрасна можност да размислиме и да одлучиме што нр прави да се чувствуваме вистински добро. Нашето истражување покажа дека поминатото време со пријателите и семејството и времето посветено на своето хоби, без разлика дали тоа е читање, вежбање или шопинг, ги прават повеќето жени среќни ", изјави портпаролката на синџирот продавници Сејнсбери која ја спроведе анкетата.

Повеќето жени изјавиле дека сакаат да легнат во када, отколку да го поминат целиот ден во СПА. Пеењето со радиото во автомобилот исто така го покренува расположението на дамите. Добриот изглед е клучен фактор за многу жени, како комплименти за стилот и прашање за тоа каде купиле некоја облека фигурираат многу високо на листата на факторите за добро расположение.

Подготовка за вечер надвор, правењето на нокти и влегување во облека која ја сметале за премногу мала за нив, исто така го прават денот на жената посветол. Популарни фактори за добро расположение се и купување на нов парфем или нова чанта.