Потрошувачката на жестоки алкохолни пијалоци во светот која во 2012, според проценките, достигнала околу 40 милијарди шишиња, ќе продолжи да расте и во наредните години, прогнозирале стручњаците...

Во изминативе пет години потрошувачката на жестоки алкохолни пијалоци во светот скокнала за 32%, а до 2016 ќе се зголеми за 9%, се наведува во студијата на агенцијата за потрошувачка на вино и алкохолни пијалоци "IWSR".

Растот на потрошувачката би можел да се однесува пред се на алкохолните пијалоци кои се во категорија на локални производи, како што се јапонско саке, кое настанува со ферментација на ориз или кинеската ракија баидју, која стана еден од најполуларните пијалоци во светот.

Заработките од продажба на алкохолните пијалоци до 2016 ќе се зголемат за 32%, односно на 364 милијарни долари годишно, иако потрошувачката ќе скокне за само 9%, затоа што во наредниот период ќе се конзумираат поквалитетни пијалоци.

Потрошувачката на алкохолни пијалоци ќе се зголемува со двојно побавно темпо отколку што е случај во периодот од 2007-2011, кога е забележан скок од 43%.