Луѓето кои консумираат храна со високо ниво на растителни компоненти се поголеми оптимисти од љубителите на месото, утврдија експертите од Харвардското училиште за јавно здравје...

Вегетаријанците се посигурни во себе и решителни за постапките во иднина. Ова е уште еден доказ за врската помеѓу психолошкото и физичко здравје на човекот. Претходни истражувања покажуваат дека високите нивоа на антиоксиданси во крвта се знак на добро здравје. Супстанциите познати како каротеноиди, вклучувајќи и бета-каротен, кој се наоѓа во портокаловиот зеленчук и овошје, како и во некои зелени производи како марула, спанаќ и зелка, исто така се антиоксиданси.

Во истражувањето учествувале над 1000 мажи и жени на возраст меѓу 25 и 74 години. Резултатите покажале дека учесниците со 13% повисоки каротеноиди во крвта се поголеми оптимисти. Внесувањето на овошје и зеленчук може да ги објасни наодите на научниците.