Уметничката Розеа Лејк (18), студентка на графички дизајн и илустрација на Универзитетот Капилано во Ванкувер, на својот "Tumblr" поставила фотографија под име „Judgements” со која предизвика многу реакции во јавноста...

Фотографијата прикажува жена на чија лева нога се испишани зборови кои се однесуваат на различните должини на здолништето - од "курва" веднаш под задникот, до "госпоѓа" на дното на листот од ногата.

Лора Бек од женскиот сајт "Jezebel" вели: "Оваа фотографија ми се допаѓа. Како многу жени, и јас често сум била на тест кога станува збор за соодветна должина на здолништето. Во училиште ми го мереа да не ми е прекратко, а кога ќе облечев макси здолниште, ме прашуваа зошто толку сум се покрила. Некогаш жената просто не може да победи".

Авторката Розеа Лејк, која фотографијата ја направила пред година дена како дел од училишен проект, вели дека сакала да им го привлече вниманието на луѓето да престана со предрасудите кога станува збор за начинот на кој жените се облекуваат. "Сфатив дека штом видам некоја жена во прекратко здолниште, веднаш помислувам "курва" и потоа ми е жал. Или помислувам дека секоја жена која носи хиџаб е угнетувана. Мораме да создадеме атмосфера на непристрасност".